کراچی : وزیرستان پولیس کے اہلکار کو قتل کرنے والے ملزم کو گرفتار کر کے آلہ قتل چاقو اور ایک موبائل فون برآمد کرلیا گیا۔
تفصیلات کے مطابق کراچی کے علاقے اورنگی ٹاؤن میں وزیرستان پولیس کے اہلکار کو قتل کرنیوالے ملزم کو گرفتار کرلیا گیا۔
ایس ایس پی ویسٹ طارق الٰہی مستوئی نے بتایا کہ اتوار کو سیکٹر ساڑھے 11 یعقوب آبادمیں نوررحمان کوقتل کیا گیا تھا، جس کے بعد واقعے کا مقدمہ تھانہ اقبال مارکیٹ میں درج ہے۔
طارق الٰہی مستوئی کا کہنا تھا کہ ڈسٹرکٹ ویسٹ پولیس نے ٹیکنیکل اورہیومین انٹیلی جنس کی بنیادپرملزم کوگرفتار کیا، ملزم محسن سے قتل میں استعمال آلہ قتل چاقو اور ایک موبائل فون برآمد ہوا۔
ایس ایس پی ویسٹ نے کہا کہ ملزم اور مقتول اہلکار ایک ساتھ ڈمپر ڈرائیور کا کام کرتے تھے اور پرانی دشمنی پر قتل کیا۔
یاد رہے گذشتہ ہفتے کراچی میں پولیس نے دو مبینہ مقابلوں کے بعد 09 ملزمان کو حراست میں لے لیا تھا، جن کے قبضے سے بھاری مالیت کے زیورات اور نقدی برآمد کی گئی تھی۔
ملزمان کی شناخت حفیظ، کلیم، محمد صابر، نعیم اللہ، ساجد، حفیظ، رؤف کے نام سے ہوئی تھی۔
