کراچی : مددگار 15 پر فائرنگ کی جھوٹی اطلاع دینے والے ملزم کو گرفتار کرلیا ، کالر نے بتایا کہ اس کا ہونیوالا بہنوئی گھر کے باہر فائرنگ کر کے فرارہوا۔
تفصیلاے کے مطابق کراچی میں تھانہ کلری کی حدود میں فائرنگ کی جھوٹی اطلاع دینے والے ملزم کو گرفتار کرلیا گیا۔
پولیس کا کہنا تھا کہ ملزم نے رات کو 1 بجکر 30 منٹ پر مددگار15 پر کال کی اطلاع دی تھی، کالر نے بتایا اس کا ہونیوالا بہنوئی گھر کے باہر فائرنگ کرکے فرار ہوا۔
پولیس نے کہا کہ تفتیش کے دوران معلوم ہوا اس کا ہونیوالا بہنوئی سرجانی ٹاؤن میں تھا۔
یاد رہے چند روز قبل لاہور میں چار افراد نے 15 مددگار پر دو کروڑ روپے ڈکیتی کی غلط اطلاع دی تھی، جو درست ثابت نہ ہونے پر اطلاع دینے والے افراد کو گرفتار کر لیا گیا تھا۔
15 مددگار پر کال کر کے اطلاع دی گئی تھی کہ ڈاکو ان سے گن پوائنٹ پر 2 کروڑ روپے چھین کر فرار ہوگئے، اطلاع ملتے ہوئی پولیس جائے وقوعہ پہنچی اور کال کرنے والوں سے تفتیش کی تو ملزمان کے بیانات الگ الگ نکلے۔
پولیس کے مطابق گرفتار ملزمان میں سے ایک ملزم عمران نے لین دین کے تنازع پر ایک پارٹی کو 2 کروڑ روپے واپس کرنے تھے اور انہوں نے یہ رقم ہڑپ کرنے کے چکر میں ڈکیتی کا جھوٹا ڈراما رچایا۔
