کراچی : انسداد دہشت گردی عدالت نے مبینہ ٹارگٹ کلرمعیزکونوے روزہ ریمانڈپررینجرزکے حوالے کردیا۔ دس افراد کی ٹارگٹ کلنگ میں ملوث ملزم یعقوب عرف مامابھی پکڑاگیا۔
تفصیلات کے مطابق مبینہ ٹارگٹ کلرمعیز کوانسداددہشت گردی کی خصوصی عدالت میں پیش کیاگیا۔ ملزم پر پچاس سے زائد افراد کی ٹارگٹ کلنگ اور قانون نافذ کرنے والے اداروں کی گاڑیوں پر فائرنگ کا الزام ہے۔
عدالت نے ملزم کو نوے روزکیلئے رینجرز کی تحویل میں دے دیا۔ ادھر کاؤنٹر ٹیرر ازم ڈپارٹ گارڈن پولیس نے صدر پارکنگ پلازہ کےقریب کارروائی کرکے ملزم یعقوب عرف ماما کوگرفتارکرلیا۔
پولیس کے مطابق ملزم کی نشاندہی پر زیرزمین چھپایا گیا بھاری تعداد میں اسلحہ بھی برآمد برآمد کیاگیاہے، جس میں ایل ایم جی، کلاشنکوف، رائفل، ریپیٹر پستول اور متعدد گولیاں شامل ہیں۔
ملزم یعقوب سیاسی جماعت کے کارکنان اور انسپکٹر ناصر الحسن کے قتل سمیت دس افراد کی ٹارگٹ کلنگ میں ملوث ہے۔
سی ٹی ڈی نے پاک کالونی گٹر باغیچہ کے علاقے میں بھی چھاپہ مارا اور عمران عرف بلونامی ملزم کوگرفتارکیا۔ ملزم کے قبضے سے اسلحہ اور مسروقہ سامان برآمدہواہے۔
