کراچی : شہر قائد میں آج بھی سورج آگ برسائے گا، شدید گرمی کی لہر نے معمولات زندگی کو بھی متاثرکردیا، محکمہ موسمیات کا کہنا ہے کہ درجہ حرارت بیالیس ڈگری تک پہنچ سکتا ہے۔

تفصیلات کے مطابق اکتوبر میں جون والی گرمی نے کراچی والوں کی ہوائیاں اڑادیں، محمکہ موسمیات نے خبردار کیا ہے کہ آج پارہ اکتالیس سے بھی اوپر جانے کا امکان ہے جبکہ ہیٹ ویو کا خدشہ بھی ہے، ممکنہ ہیٹ ویوکے خدشے کے پیش نظر میئر کراچی نے کے ایم سی کےتمام اسپتالوں میں ایمرجنسی نافذ کردی ہے۔

کراچی کا موجودہ درجہ حرارت 35ڈگری سینٹی گریڈ ہے جبکہ ہوا میں نمی کا تناسب18 فیصد ہے، نمی کے کم تناسب سے گرمی کی شدت زیادہ محسوس کی جارہی ہے۔

موسم کا حال بتانے والوں کا کہنا ہے بحر ہند اور بحیرہ عرب میں ہوا کے کم دباؤسے گرمی کی شدت میں اضافہ ہوا، جس سے سمندری ہوائیں بھی بند ہوئیں۔

محکمہ موسمیات نے مختلف اداروں کو خط لکھ کر موسم کی صورتحال سے مطلع کردیا ہے، جس میں بتایا گیا ہے کہ منگل اور بدھ کو شہر کا درجہ حرارت چالیس ڈگری تک پہنچ سکتا ہے، کراچی میں گرمی کا سلسلہ جمعہ تک جاری رہنے کا امکان ہے جبکہ سمندری ہواوں کی رفتار میں کمی کے باعث گرمی کی یہ شدت پورے ہفتے برقرار رہے گی۔

ڈی جی میٹ غلام رسول نے اے آروائی نیوز سے خصوصی گفتگو میں بتایا کہ جمعے تک گرمی کی شدت میں مزید اضافہ ہوگا، درجہ حرارت بیالیس ڈگری تک جاسکتا ہے، ہفتے سے گرمی کی شدت میں کمی آنا شروع ہوجائے گی۔

یف میٹرولوجسٹ عبدالرشید کا کہنا ہے کہ مئی اور اکتوبر سال کے گرم ترین ماہ شمار کئے جاتے ہیں اور ہر سال کی طرح اس سال بھی اکتوبر کا مہینہ شہر قائد پر سورج پوری آب و تاب کے ساتھ گرمی برسائے گا اور گرمی کی شدت میں اضافہ ہوتا رہے گا۔

مزید پڑھیں : کراچی میں2روزبعددرجہ حرارت 40 سےبڑھ کر42 ڈگری تک جانے کا امکان

ماہرین کے مطابق ہیٹ اسٹروک سے بچاو کیلئے حفاظتی اقدامات اور احتیاطی تدابیر اختیار کی جائیں، گرمی کی شدت سے بچنے کیلئے شہری پانی کا استعمال زیادہ کریں، شہری دھوپ میں نکلنے سے گریز اور کھانے پینے میں احتیاط کریں۔

جانب محکمہ موسمیات کے مطابق آئندہ دو روز کے دوران کراچی سمیت سندھ اور مکران کے ساحلی علاقوں میں درجہ حرارت میں مزید اضافے کا امکان ہے، ملک کے بیشتر علاقوں میں موسم گرم اور خشک رہے گا۔ تاہم گلگت بلتستان میں بعض مقامات پرگرج چمک کے ساتھ بارش کا امکان ہے۔

گزشتہ روز سب سے زیادہ درجہ حرارت شہید بینظیرآباد میں تینتالیس ڈگری سینٹی گریڈ رہا۔

اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی فیس بک وال پر شیئر کریں۔