The news is by your side.

Advertisement

کراچی میں شدید گرمی،لوگ بے حال ہوگئے

کراچی: کراچی میں آج سورج آگ اُگل رہا ہے جس کے باعث گرمی اپنے عروج پر ہے،چبھتی دھوپ اور جھلساتی گرمی نے لوگوں کے معمولات زندگی کو بری طرح متاثر کیا ہے۔

تفصیلات کے مطابق کراچی میں سورج صبح ہی سے آگ برسارہا ہے،بڑھتا ہوا درجہ حرارت اور ہوا کے گرم تھپیڑوں کے باعث کراچی کے شہری اپنے گھروں میں ہی رہنے کو ترجیع دے رہے ہیں جس کے باعث معمولات زندگی بری طرح متاثر ہیں،سڑکوں پر ٹریفک نہ ہونے کے برابر ہے جب کہ گلیاں اور محلے سنسان ہیں۔

رمضان کے مہینے میں شدید گرمی اور اس پر بجلی کی لوڈ شیڈنگ نے شہریوں کو دہرے عذاب میں مبتلا کردیا ہے اور رہی سہی کسر پانی کی قلت نے پوری کردی ہے،پیاس اور گرمی سے پریشان اہلیانِ کراچی بارانَ رحمت کے لیے اللہ کے حضور سجدہ بہ سجود ہیں۔

اسپتال ذرائع کے مطابق شدید گرمی اور لو لگنے سے متعدد افراد متاثر ہو نے والے ایک درجن سے زائد افارد کو مختلف اسپتالوں میں لایا گیا ہے تاہم خوش قسمتی سے کسی جانی نقصان کی اطلاع نہیں ملی،اسپتال لائے گئے افراد پیٹ اور معدہ کی بیماری گیسٹرو اور لو لگنے سے متاثر تھے جنہیں طبی امداد فراہم کر کے گھر روانہ کردیا گیا۔

محکمہ موسمیات کے مطابق دن دو بجے کراچی کا درجہ حرارت40ڈگری سینٹی گریڈ ریکارڈ کیا گیا جبکہ ہوا میں نمی کا تناسب بھی40فیصد ریکارڈ کیا گیا۔

ماہرین نے گرم موسم میں احتیاط کا مشورہ دیتے ہو ئے کہا ہے کہ گرم موسم میں دھوپ سے بچنے کی ہر ممکن کوشش کریں،درخت یا کسی سائے میں چلیں گھر سے بلا ضرورت نہ نکلیں اگر گھر سے نکلنا بہت ہی ضروری ہے تو سر کو ڈھانپ لیا جائے اور وقتاََ فوقتاََ گیلے کپڑا منہ پر پھیرتے ہیں۔

ماہرین کا کہنا ہے کہ روزہ داروں کو چاہیے کہ افطار سے سحری تک پانی کے زیادہ سے زیادہ استعمال کے علاوہ موزوں مشروب کا استعمال کیا جائے،کولڈ ڈرنک پینے سے اجتناب کریں سوڈے کا استعمال نقصان کا باعث بن سکتا ہے البتہ لیموں کا پانی ،لسی،ناریل کے پانی کا بھی سود مند ثابت ہو سکتا ہے۔

Print Friendly, PDF & Email

Comments

comments

یہ بھی پڑھیں