کراچی : نیپا پل سے دفاتر جانے والے ہزاروں شہری ٹریفک جام میں پھنس گئے اور گاڑیوں کی قطاریں لگ گئیں۔
تفصیلات کے مطابق کراچی کے علاقے نیپا پل سے ممتاز منزل تک ٹریفک کا شدید دباؤ ہے ، جس کے باعث گاڑیوں کی قطاریں لگ گئیں اور دفاتر جانے والے ہزاروں شہری ٹریفک جام میں پھنس گئے۔
ہزاروں گاڑیوں کو کنٹرول کرنےکیلئے صرف ایک اہلکارسڑک پرموجود ہے، حسن اسکوائر سے نیو ٹاؤن جانے والے ٹریک پر ٹریفک کا شدید دباؤ ہے ، جس کے باعث دفاتر اور اپنے کاموں پر جانے والے شہریوں کو سخت پریشانی کا سامنا ہے۔
خیال رہے ریڈ لائن منصوبے پر ترقیاتی کام کی وجہ سے گزشتہ ایک سال سے زیادہ عرصے سے یونیورسٹی روڈ پر ٹریفک جام رہنا معمول بن گیا ہے، جس سے شہریوں خصو صاً اساتذہ اور طلبہ کو شدید مشکلات کا سامنا ہے اور ان کا منٹوں کا سفر گھنٹوں میں طے ہورہا ہے۔
یونیورسٹی روڈ شہر قائد کی مصروف ترین شاہراہوں میں سے ایک ہے، جہاں ایشین ڈویلپمنٹ بینک کے تعاون سے ماڈل کالونی براستہ یونیورسٹی روڈ، نمائش تک بس ریپڈ ٹرانزٹ سسٹم (بی آر ٹی ایس) ریڈ لائن منصوبے پرکام کا آغازکیا گیا تھا جو اب رک گیا ہے۔
