کراچی : ایس ایس پی ملیر راؤ انوار کا کہنا ہے کہ نادرن بائی پاس سے تین افراد کی لاشیں برآمد ہوئی ہیں جنہیں فائرنگ کرکے قتل کیا گیا ہے۔

ایس ایس پی ملیر راؤ انوار کا کہنا ہے کہ نادرن بائی پاس سے تین افراد کی لاشیں برآمد ہوئی ہیں، لاشوں کے پاس سے کالعدم تنظیم کے پمفلٹ ملے ہیں۔

راؤ انور کا کہنا ہے کہ تہرےقتل کوپولیس اہلکاروں کےرضاکاروں کےقتل کا بدلہ قراردیا گیا ہے اورخط میں لکھا ہے کہ ہمارا نام استعمال کرکے حقیقی مجاہدوں ملک کے محافظوں کو قتل کیا گیا۔

کالعدم تنظیم کےخط میں لکھا ہے کہ آئندہ نام استعمال کرکے ایسا کیا گیا توخاندان سمیت بدلہ لیا جائےگا۔ خط نےتفتیش کاروں کوبھی تشویش میں مبتلاکردیا۔

کراچی:‌ فائرنگ کے واقعات‘ 2 پولیس اہلکار شہید‘ 1 زخمی

یاد رہے کہ گزشتہ دنوں کراچی میں نادرن بائی پاس کے قریب فائرنگ کے نتیجے میں ایک پولیس اہلکارشہید 1 زخمی ہوا تھا جبکہ ٹیپو سلطان روڈ پر نامعلوم افراد کی فائرنگ سے پولیس اہلکار شہید ہوا تھا۔

کراچی میں فائرنگ: ڈی ایس پی ٹریفک اورکانسٹیبل شہید

واضح رہے کہ رواں ماہ 11 اگست کو کراچی کے علاقے عزیز آباد میں ڈسڑکٹ سپرٹنڈنٹ پولیس (ٹریفک )کی گاڑی پر فائرنگ کی گئی تھی جس کے نتیجے میں ڈی ایس پی اور ان کا ڈرائیور کانسٹیبل سلطان شہید ہوگئےتھے۔

اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی وال پر شیئر کریں۔