کراچی: ملت ٹاؤن میں با وردی پولیس اہلکار پر تشدد کی ویڈیو سوشل میڈیا پر وائرل ہونے کے بعد ایس ایس پی کورنگی نے نوٹس لے لیا۔
تفصیلات کے مطابق کراچی کے ملت ٹاؤن میں باوردی پولیس اہلکار پر تشدد کی ویڈیو سوشل میڈیا پر وائرل ہوگئی، ویڈیومیں پولیس اہلکارپر کچھ افراد کو تشدد کرتے دیکھا جاسکتا ہے۔
اہلکار پرتشدد کی ویڈیو وائرل ہونے پر ایس ایس پی کورنگی نے نوٹس لیا اور بتایا کہ اہلکارپر تشدد کا واقعہ دو تین روز پہلے کا ہے، ایک ملزم ارشد کو گرفتار کرلیا ہے، باقی فرارہیں۔
ایس ایس پی کامران خان کا کہنا تھا کہ فرار ملزم اسد اور جواد کو تلاش کر رہے ہیں، واقعے کا مقدمہ الفلاح تھانے میں درج کرلیا گیا ہے۔
پولیس اہلکار پر تشدد کرنے والے گرفتارملزم ارشد نے ویڈیو بیان میں بتایا کہ پولیس اہلکاروں سےتلخ کلامی ہوئی، پھر ہاتھا پائی ہوگئی، میں اپنے عمل پرمعذرت خواہ ہوں، آئندہ میں پولیس اہلکاروں سے نہیں جھگڑوں گا۔
