The news is by your side.

Advertisement

کورونا فنڈ، کراچی کے تاجر نے 79لاکھ روپے عطیہ کردیئے

کراچی : کراچی کے تاجرکی جانب سےسندھ حکومت کےکورونافنڈمیں 79لاکھ روپے عطیہ کردیئے گئے، عطیہ کرنے والے تاجر نے نام خفیہ رکھنے کی درخواست کی۔

تفصیلات کے مطابق وزیر اعلی سندھ مراد علی شاہ کی جانب سے قائم کردہ کورونا وائرس فنڈ میں کراچی کے ایک تاجر نے 79 لاکھ روپے کردیئے ، ترجمان وزیراعلیٰ سندھ کا کہنا ہے کہ عطیہ کرنے والے تاجر نے نام خفیہ رکھنے کی درخواست کی ہے۔

اس سے قبل وزیراعلیٰ سندھ مرادعلی شاہ کو 88 سال کے ریٹائرڈ شخص نے 10 لاکھ روپے کا عطیہ دیا تھا، بزرگ شہری نے وزیراعلیٰ سندھ کو 1ملین روپے کا چیک دیا، چیک کے ساتھ ایک چھوٹا خط بھی بھیجا تھا۔

ترجمان کا کہنا ہے کہ عطیہ دینے والے شخص نے اپنا نام خفیہ رکھنے اور رقم کورونا کیخلاف جنگ میں خرچ کرنے کی درخواست کی ، کورونا وائرس کے فنڈ میں لوگ دل کھول کر عطیہ دےرہے ہیں۔

مزید پڑھیں : کرونا وائرس، بزرگ شہری نے وزیراعلیٰ سندھ کو 10 لاکھ روپے عطیہ کردئیے

وزیر بلدیات سندھ ناصر حسین شاہ کا کہنا تھا کہ مخیر حضرات نام بتائے بغیر بڑی رقم سندھ حکومت کو منتقل کررہے ہیں۔

دوسری جانب وزیراعلیٰ سندھ نے وفاقی حکومت کو خط لکھا تھا، جس میں کہا گیا تھا کہ سندھ کی ماہانہ قرضے کی کٹوتی نہ کی جائے۔

خط کے متن کے مطابق سندھ کے مالی مسائل سے ہر ماہ 3 ارب قرضوں کی مد میں کٹوتی کی جاتی ہے، کرونا وائرس کے باعث سندھ میں مالی وسائل کا بحران ہے، محدود وسائل کے باوجود انتظامات پر کھل کر خرچ کررہے ہیں۔

واضح رہے کہ پاکستان میں کرونا وائرس سے6 افراد جاں بحق ہوگئے جبکہ وائرس سے متاثرہ مریضوں کی تعداد 892 ہوگئی ہے اور 6مریض صحتیاب ہو چکے ہیں۔

fb-share-icon0
Tweet 20

Comments

comments

یہ بھی پڑھیں