کراچی : ٹریفک پولیس نے شہریوں کی سہولت کے لئے آج دوپہر 12 بجے سے راستوں کی بندش کا پلان جاری کردیا۔
تفصیلات کے مطابقک ٹریفک پولیس کی جانب سے سیکیورٹی وجوہات کی بنا پر راستوں کی بندش کا پلان جاری کردیا گیا،جس کے تحت راستے دوپہر 12 سے شام 6 بجے تک بند رہیں گے۔
جس میں بتایا کہ نے ایوان صدر روڈ فوارہ چوک سے کھجور چوک تک دونوں اطراف آج بند رہیں گے ، سیکیورٹی وجوہات پر دوپہر12 سے شام 6 بجے تک سڑک بند رہے گی۔
ٹریفک پولیس کا کہنا تھا کہ شارع فیصل سے آئی آئی چندریگرروڈ جانے والے دین محمدوفائی روڈاستعمال کرسکتےہیں جبکہ ایم آر کیانی چوک سے شاہین کمپلیکس کا راستہ بھی استعمال کیا جا سکتا ہے۔
پلان کے مطابق شاہین چوک سےایم آرکیانی چوک استعمال کرسکتےہیں جبکہ فوارہ چوک سے سرور شہید روڈ استعمال کرکے لکی اسٹار جاسکتےہیں۔
ٹریفک پولیس نے کہا کہ ایم آرکیانی چوک سے ایوان صدر روڈ کسی ٹریفک کو جانے کی اجازت نہیں ہوگی۔
