کراچی: شہر قائد میں ٹریفک مسائل کی ایک بڑی وجہ شہری خود بھی ہیں جنہیں چالان کا کوئی خوف نہیں، ٹریفک پولیس بھی لاچار نظر آتی ہے، حد تو یہ ہے کہ زیبرا کراسنگ صرف سفید پٹیاں بن کر رہ گئی ہیں۔
کراچی میں رانگ سائیڈ ڈرائیونگ یا بائیک رائیڈنگ معمول کی بات ہے، کم راستہ طے کرنے کے چکر میں عوام ٹریفک قوانین کو صرف نظر انداز کرتے ہیں بلکہ انکی دھجیاں اڑا دیتے ہیں جس کے بعد گماں ہوتا ہے شہری ٹریفک قوانین ہی بھول گئے۔
اس تمام صورتحال کو دیکھتے ہوئے ٹریک پولیس نے خلاف ورزی کرنے والوں کو سدھارنے کے لیے چالان کی رقم بڑھادی کہ شاید مسئلہ حل ہوجائے مگر دوسری جانب شہری بھی سوال کررہے ہیں کہ انہیں بغیر رشوت کے میرٹ پر ڈارئیونگ لائسنس ملنا کب شروع ہوں گے۔
دوسری جانب شہر میں ٹریفک جام کی ایک اور اہم وجہ ہیوی ٹریفک ہے، دن کے اوقات میں شاہراوں پر ہیوی ٹریفک کی وجہ سے ٹریفک جام ہوجاتا ہے جس کی وجہ سے شہریوں کو شدید ذہنی اذیت سے گزرنا پڑتا ہے۔
