کراچی : ٹریفک پولیس آج سے خصوصی مہم کے دوران ڈرائیونگ لائسنس کی چیکنگ کا عمل شروع کررہی ہے، جس کے پاس لائسنس نہیں ہوگا وہ جیل جائے گا۔
ڈی آئی جی ٹریفک کراچی کا ایک اور شاہی فرمان آ گیا شہر میں ٹریفک پولیس کی جانب سے بغیر لائسنس کے ڈرائیونگ کرنے والوں کیخلاف بھرپور قانونی کارروائی عمل میں لائی جائے گی اور انہیں جیل بھیج دیا جائے گا۔
اس سے پہلے بھی ڈی آئی جی ٹریفک نے بغیر ہیلمٹ موٹرسائیکل چلانے والوں کے خلاف سخت کارروائی کا اعلان کیا تھا، جبکہ ڈی آئی جی ٹریفک نے اسکول وینز سے سی این جی سلنڈر ہٹانے اور وینز پر پیلا رنگ کرنے کا حکم بھی دیا تھا ۔
