کراچی سے آنے والی بہاالدین زکریا ایکسپریس میں ریلوے ملازم کی جانب سے خاتون سے اجتماعی زیادتی کے معاملے میں تفتیشی افسر نے تہلکہ خیز انکشاف کردیا۔
اے آر وائی نیوز کے مطابق کراچی آنے والی بہا الدین زکریا ایکسپریس میں خاتون سے مبینہ زیادتی کیس کی سماعت ہوئی تفتیشی افسر نے ریمانڈ میں توسیع کی استدعا کرتے ہوئے کہا کہ ملزمان نے گینگ ریپ کی ویڈیو بھی بنائی ان کے فون ریکارڈ سے ویڈیو برآمد کرنی ہے اور ملزمان کے یونیفارم بھی برآمد کرنے ہیں۔
تفیشی افسر کا موقف سننے کے بعد عدالت نے گرفتار 5 ملزمان کے جسمانی ریمانڈ میں 2 دن کی توسیع کردی۔
پولیس کے مطابق گرفتار ملزمان میں محمد زاہد، عاقب منیر، ذوہیب، عامر رضا اور عبدالحفیظ شامل ہیں، یاد رہے کہ ملزمان نے 28 مئی کو ملتان سے کراچی واپس خاتون سے اجتماعی زیادتی کی۔
ملزمان کے خلاف سٹی ریلوے تھانے میں مقدمہ درج ہے جبکہ متاثرہ خاتون عدالت میں دو ملزمان کو شناخت بھی کرچکی ہے۔
