The news is by your side.

Advertisement

کراچی، ٹارگٹ کلنگ میں ملوث ایم پی اے کے بھائی سمیت 2 ملزمان گرفتار

کراچی: شہر قائد میں ٹارگٹ کلنگ میں ملوث ایم پی اے کے بھائی سمیت 2 ملزمان کو گرفتار کرلیا گیا۔

اے آر وائی نیوز کی رپورٹ کے مطابق کراچی میں ٹارگٹ کلنگ میں ملوث سابق ایم پی اے کے بھائی سمیت 2 ملزمان کو پولیس نے کامیاب کارروائی کرتے ہوئے گرفتار کرلیا۔

سی ٹی ڈی حکام کا کہنا ہے کہ پیر آباد سے مدثر امیر اور منہاج شاہد کو گرفتار کیا گیا، ملزمان کا تعلق ایم کیو ایم لندن سے ہے، ملزم مدثر ایم کیو ایم ٹارگٹ کلنگ ٹیم کا ممبر ہے۔

کاؤنٹر ٹیررازم ڈپارٹمنٹ کے مطابق ملزم مدثر پولیس اہلکار شفیق سمیت 6 افراد کے قتل میں ملوث ہے، ملزم منہاج شاہد پارٹی مخالف افراد کی ریکی کرکے سیکٹر کو آگاہ کرتا تھا، ملزم کی ریکی کے بعد کئی افراد کو ٹارگٹ کرکے قتل کیا جاچکا ہے۔

سی ٹی ڈی حکام کے مطابق انچارج ٹارگٹ کلنگ ونگ نے انکشاف کیا کہ علاقے میں پولیس، رینجرز کے داخل ہونے کی مخبری بھی کی جاتی تھی، نظر رکھنے کے لیے روڈ پر کیبن لگا کر کردیا گیا تھا۔

پولیس کے مطابق مدثر امیر کا بھائی سیکٹر انچارج اور سابق صوبائی اسمبلی بھی رہ چکا ہے۔

واضح رہے کہ پولیس اور رینجرز کی جانب سے کراچی میں تابڑ توڑ کارروائیاں جاری رہتی ہیں اور متعدد ٹارگٹ کلرز اب تک گرفتار کیے جاچکے ہیں جن کا تعلق ایم کیو ایم لندن سے بتایا جاتا ہے۔

Comments

یہ بھی پڑھیں