کراچی میں ہیٹ ویو کا خطرہ ٹل گیا

کراچی: صوبہ سندھ کے دارالحکومت کراچی میں موسم گرم اور مرطوب رہے گا، شہر میں ہیٹ ویو کا خطرہ ٹل گیا۔

تفصیلات کے مطابق شہر قائد میں آج جمعہ 6 مئی کو موسم گرم اور مرطوب رہے گا، شہر میں زیادہ سے زیادہ درجہ حرارت 34 سے 36 ڈگری سینٹی گریڈ رہنے کا امکان ہے۔

محکمہ موسمیات کا کہنا ہے کہ صبح کے وقت درجہ حرارت 27 ڈگری سینٹی گریڈ جبکہ ہوا میں نمی کا تناسب 76 فیصد ریکارڈ کیا گیا۔

محکمہ موسمیات کے مطابق شہر میں ہیٹ ویو کا خطرہ ٹل گیا، مئی کے وسط تک کراچی میں ہیٹ ویو کا کوئی امکان نہیں۔

Comments