شہر قائد میں آج موسم کیسا رہے گا؟

کراچی: صوبہ سندھ کے دارالحکومت کراچی میں آج موسم گرم اور مرطوب رہے گا، دن میں گرم ہوائیں جبکہ شام میں سمندری ہوائیں چلنے کا امکان ہے۔

تفصیلات کے مطابق محکمہ موسمیات کا کہنا ہے کہ کراچی میں موسم آج (23 مئی 2021 بروز اتوار) گرم اور مرطوب رہے گا، صبح 10 بجے تک کراچی کا درجہ حرارت 32 ڈگری سینٹی گریڈ ریکارڈ کیا گیا۔

محکمہ موسمیات کا کہنا ہے کہ شہر میں چلنے والی ہوا کی رفتار 9 کلو میٹر فی گھنٹہ ہے، ہوا میں نمی کا تناسب 49 فیصد ہے، دن میں درجہ حرارت 37 سے 39 ڈگری سینٹی گریڈ تک رہنے کا امکان ہے۔

محکمہ موسمیات کے مطابق دن میں گرم ہوائیں جبکہ شام میں سمندری ہوائیں چلنے کا امکان ہے، دن میں ہوا 20 سے 30 کلو میٹر فی گھنٹہ کی رفتار سے چلنے کا امکان ہے۔

شہر کراچی میں فی الحال بارش کا کوئی امکان نہیں۔

Comments