کراچی : شہر قائد میں سمندری ہوائیں چلنے سے درجہ حرارت میں کمی آگئی ، محمکہ موسمیات کا کہنا ہے کہ آج مطلع جزوی طور پر ابر آلود رہنے کا امکان ہے۔
تفصیلات کے کراچی میں سمندری ہواؤں کے بحال ہونے سے درجہ حرارت میں کمی واقع ہوئی ہے جبکہ آج شہر میں مطلع جزوی طور پر ابر آلود رہے گا۔
کراچی کا موجودہ درجہ حرارت 31 سینٹی گریڈ اور ہوا میں نمی کا تناسب 58 فیصد ہے جبکہ ہوا 18 کلو میٹر فی گھنٹہ کی رفتار سے چل رہی ہے۔
دوسری جانب محکمہ موسمیات کا کہنا ہے کہآج ملک کے مختلف حصوں میں موسم گرم اورمرطوب رہے گا، جنوب، مغربی بلوچستان کے اضلاع گودار، پنجگور ، پنجاب کے اضلاع سرگودھا، گجرات، فیصل آباد، لاہور، راولپنڈی اسلام آباد جبکہ خیبرپختونحوا کے اضلاع مانسہرہ، ایبٹ آباد ،پشاور، بنوں ، ڈی آئی خان میں بارش کا امکان ہے۔
گلگت بلتستان ، مظفر آباد سمیت کشمیر کے تمام اضلاع میں چند مقامات پر بھی گرج چمک کیساتھ بارش کی توقع ہے۔
گذشتہ 24 گھنٹوں میں ملک کے بیشتر علاقوں میں موسم خشک رہا، تاہم راولپنڈی، گوجرانولہ ، مالاکنڈ، ہزارہ، قلات ، ژوب، کشمیر اور گلگت بلتستان کے اضلاع میں چند مقامات پر تیز ہواؤں اور گرج چمک کیساتھ بارش ہوئی ۔
سب سے زیادہ بارش مری 04 ، ناروال 01، خیبرپختونخواہ میں کاکول 03، مالم جبہ 01 ، کشمیر میں مظفر آبا د(سٹی 06، ائیر ُپورٹ04) ، راولاکوٹ 03 جبکہ لسبیلہ 14، بارکھان 02 اور بگروٹ میں 02 ملی میٹر بارش ریکارڈ کی گئی ۔
