کراچی: محکمہ موسمیات کا کہنا ہے کہ شہر قائد میں آج موسم سرد اور خشک رہے گا، شہر کا کم سے کم درجہ حرارت 11.5 ڈگری سینٹی گریڈ ریکارڈ کیا گیا۔
محکمہ موسمیات کے مطابق زیادہ سے زیادہ درجہ حرارت27 ڈگری سینٹی گریڈ تک جانے کا امکان ہے، جبکہ شہرمیں شمال مشرقی سمت سے 6 کلومیٹر فی گھنٹہ کی رفتارسے ہوا چل رہی ہے۔
دوسری جانب کراچی میں ہوامیں نمی کا تناسب 47 فیصد ہے، ہوا میں آلودہ ذرات کی مقدار 134 پرٹیکیولیٹ میٹرز ریکارڈ کی گئی ہے۔
واضح رہے کہ گزشتہ روز محکمہ موسمیات کا اپنے بیان میں کہنا تھا کہ شہر قائد میں یخ بستہ ہوائیں تھمنے سے سردی کی شدت میں معمولی کمی آگئی تاہم آئندہ 24 گھنٹوں کے دوران موسم خشک رہے گا۔
بیان میں کہا گیا تھا کہ کم سے کم درجہ حرارت 11.5 ڈگری سینٹی گریڈ ریکارڈ ہوا جبکہ شمال مشرق سے ہوا 9 کلو میٹر فی گھنٹہ کی رفتار سے چل رہی ہے۔
انجیر : موسم سرما میں یہ پھل سوچ سمجھ کر کھائیں ورنہ !!
محکمہ موسمیات کا کہنا تھا کہ آئندہ 24 گھنٹوں کے دوران زیادہ سے زیادہ درجہ حرارت 29 اور کم سے کم 12 ڈگری سینٹی گریڈ متوقع ہے جبکہ فضائی معیار مضر صحت ہے، آلودہ زرات کی مقدار 190 پرٹیکولیٹ میٹر ریکارڈ کی گئی۔
