کراچی: شہر قائد کے موسم کے حوالے سے پیش گوئی کرتے ہوئے محکمہ موسمیات کا کہنا ہے کہ کراچی کاموسم جزوی طور پر ابر آلود اورمرطوب رہے گا۔
محکمہ موسمیات کے مطابق صبح اوررات میں کہیں ہلکی بارش اورکہیں بوندا باندی کا امکان موجود ہے، جبکہ شہر کا موجودہ درجہ حرارت 29 ڈگری سینٹی گریڈ ہے۔
زیادہ سے زیادہ درجہ حرارت 32 سے34 ڈگری سینٹی گریڈ تک جائے گا، ہوا میں نمی کا تناسب 81 فیصد ہے۔
محکمہ موسمیات کے جاری کردہ بیان میں مزید کہا گیا ہے کہ اس ہفتہ کراچی میں گرمی کی شدت کم اور تیز ہواؤں کاسلسلہ جاری رہنے کاامکان ہے۔
تیسرامون سون اسپیل اگلے ہفتے تک اندرون سندھ میں داخل ہوسکتا ہے۔
