کراچی: محکمہ موسمیات کا کہنا ہے کہ کراچی میں شام تک مکمل طور پر سمندری ہوائیں بحال ہوجائیں گی، جس سے گرمی کی شدت میں کمی کاامکان ہے۔
محکمہ موسمیات کا کہنا ہے کہ رواں ہفتے بارش کاکوئی امکان نہیں،کراچی میں مطلع جزوی ابرآلود، موسم گرم اور مرطوب ہے، موجودہ درجہ حرارت 32 ڈگری سینٹی گریڈ ہے۔
گرمی کی شدت 43 ڈگری سینٹی گریڈ تک محسوس کی جارہی ہے، آج زیادہ سے زیادہ درجہ حرارت 37 ڈگری سینٹی گریڈ رہنے کا امکان ہے۔
محکمہ موسمیات کے مطابق مغربی سمت سے 18 کلو میٹر فی گھنٹہ کی رفتار سے ہوائیں چل رہی ہیں، ہوا میں نمی کا تناسب 74 فیصد ہے۔
دوسری جانب شہر کے مختلف علاقوں میں تیز ہواؤں کے ساتھ موسلا دھار بارش کے بعد موسم خوشگوار ہوگیا۔
شادمان، اقبال ٹاون، فیروزپور روڈ، اچھرہ اور جیل روڈ کے علاقوں میں بارش سے جل تھل ہوگیا۔
پیٹرولیم مصنوعات کی قیمتوں میں اضافے پر شہریوں کی دہائی
مرید کے، ڈسکہ، حویلی لکھا، ایبٹ آباد میں اور گردونواح میں موسلادھار بارش ہوئی، اس کے علاوہ میرپور آزاد کشمیر، ڈڈیال، چکسواری، اسلام گڑھ اور گردونواح میں بھی موسلادھاربارش ہوئی۔
