کراچی: محکمہ موسمیات نے بتایا ہے کہ آج کراچی کا موسم گرم اور انتہائی مرطوب رہے گا، شہر میں ابر آلود ہوائیں چلنے کا سلسلہ جاری ہے۔
محکمہ موسمیات کے مطابق شہر قائد میں مطلع ابر آلود رہے گا جبکہ سمندری ہوائیں چلنے کا سلسلہ جاری ہے۔
محکمہ موسمیات کا کہنا ہے کہ شہر قائد میں زیادہ سے زیادہ درجہ حرارت 34 سے 36 ڈگری سینٹی گریڈ تک جانے کا امکان ہے۔
اس کے علاوہ جہلم اور چلاس کے گردونواح میں گرج چمک کیساتھ موسلا دھار بارش کا سلسلہ جاری ہے، جس کے بعد موسم خوشگوار ہوگیا۔
چلاس کے بالائی علاقوں میں بارش اور پہاڑوں پر ہلکی برف باری بھی شروع ہوگئی ہے، سیاحتی مقامات بابوسر، فئیری میڈو، ننگاہ پربت میں پہاڑوں پر برفباری ہورہی ہے۔
