کراچی میں سفید کرولا گینگ پھر متحرک ہوگیا، 4 ملزمان نے اہل خانہ کو یرغمال بنا کر گھر کا صفایا کردیا۔
تفصیلات کے مطابق کراچی کے ماڈل کالونی میں سفید کرولاگینگ کے ملزمان نے کارروائی کی ہے، 4 ملزمان نے اہل خانہ کو یرغمال بنا کر گھر کا صفایا کردیا۔
رپورٹ کے مطابق وائٹ کرولا گینگ کے ملزمان لاکھوں روپے مالیت کے زیورات اور دیگر سامان لوٹ کر فرار ہوگئے، مشتبہ کرولا گاڑی ماڈل کالونی کے علاوہ سعدی ٹاؤن میں بھی دیکھی گئی۔
- Advertisement -
ذرائع کا کہنا ہے کہ یہ واردات 5 روز پہلے ہوئی ہے، لیکن پولیس تاحال ملزمان کو پکڑنے میں ناکام ہے, یاد رہے کہ پولیس نے خوف کی علامت سمجھنے والے سفید کرولا گینگ کے خاتمے کا بھی دعوی کر رکھا ہے لیکن اس گینگ کی لوٹ مار اب بھی جاری ہے۔
