شیخوپورہ میں شوہر سے جھگڑے کے بعد بیوی نے خود کو گولی مار کر زخمی کرلیا۔
اے آر وائی نیوز کے مطابق خاتون نے شوہر سے جھگڑے کے بعد خود کو کندھے پر گولی مار کر زخمی کرلیا، خاتون کو طبی امداد کے لیے اسپتال منتقل کردیا گیا ہے۔
پولیس کا بتانا ہے کہ فائرنگ کا واقعہ تھانہ اے ڈویژن کی حدود میں پیش آیا۔
- Advertisement -
اس سے قبل کراچی کے علاقے نیو ٹاؤن میں چلتی گاڑی میں میاں بیوی کے درمیان جھگڑا ہوا تھا جس پر شوہر نے خود کو سینے میں گولی مار لی تھی۔
پولیس کے مطابق زخمی شوہر کو نجی اسپتال منتقل کردیا گیا جبکہ گاڑی سے اسلحہ برآمد کرلیا گیا تھا۔
پولیس کے مطابق زخمی شخص کو شناخت کرلیا گیا ہے جو ایک تاجر ہے، اہل خانہ کے مطابق وہ گزشتہ ایک ماہ سے پریشان تھا۔
