کراچی : ڈی اے پل پر ٹریلر اور کار کے خوفناک تصادم میں ایک خاتون جاں بحق اور چارافراد زخمی ہوگئے۔
تفصیلات کے مطابق کراچی کے علاقہ نارتھ ناظم آباد کے ڈی اے پل پر ٹریفک حادثہ پیش آیا، جہاں ٹریلر اور کار کے درمیان خوفناک تصادم ہوا۔
حادثے کے نتیجے میں کار سوار خاتون جاں بحق اور تین خواتین سمیت چارافراد زخمی ہوگئے۔
پولیس نے بتایا کہ تیز رفتار کار بے قابو ہو کر ٹریلر سے جا ٹکرائی،زخمیوں کی شناخت لیڈی کانسٹیبل فاطمہ، ہیڈکانسٹیبل سراج، اقصیٰ، طوبیٰ کے نام سے ہوئی
حادثے کے زخمیوں میں لیڈی کانسٹیبل اورپولیس اہلکاربھی شامل ہے۔
