اس ویڈیو رپورٹ میں ہم آپ کی ملاقات کروا رہے ہیں 18 سالہ منیل فاروقی سے جو آسمانوں پر پرواز کرنے کی خواہش مند لڑکیوں کیلیے مثال ہے۔
کراچی میں ایئر ایمبولینس اڑانے والی منیل فاروقی نے جہاز اڑا کر سب کے ہوش اڑا دیے۔ ایئر ایمبولینس اڑاتی کم عمر پائلٹ کو دیکھ کر اکثر لوگ یقین نہیں کر پاتے کہ یہ جہاز بھی اڑا سکتی ہیں۔
منیل فاروقی کا کہنا ہے کہ اگر انسان کچھ کرنے کا عزم رکھتا ہو تو اس کیلیے عمر کی قید نہیں اور جہاز اڑانے کے شوق نے مجھے کم عمری میں پائلٹ بنا دیا۔
اس سے قبل کینیڈا میں مقیم پاکستانی نژاد لڑکی زیوارد عمران نے سخت محنت اور خوش اخلاق سے پائلٹ بننے کا اپنا خواب پورا کر دکھایا تھا۔
مارچ 2024 میں اے آر وائی نیوز کے پروگرام ’باخبر سویرا‘ میں سوشل میڈیا پر پائلٹ باجی کے نام سے مشہور ہونے والی باحجاب کمرشل پائلٹ زیوارد عمران نے شرکت کی تھی اور اپنی جدوجہد کے بارے میں ناظرین کو آگاہ کیا تھا۔
انہوں نے بتایا تھا کہ میرے والد ائیر فورس میں پائلٹ تھے اس لیے بچپن سے ان کو دیکتھے ہوئے مجھے بھی یہی شوق پیدا ہوا فوج میں تو نہیں جا سکی لیکن اپنا خواب کمرشل پائلٹ بن کر پورا کیا۔
ایک سوال کے جواب میں زیوارد عمران کا کہنا تھا کہ پائلٹ بننے کا شوق بہت مہنگا اور انتہائی مشکل بھی ہے تاہم کوشش کی جائے تو کچھ ناممکن بھی نہیں۔
سوشل میڈیا پر ’پائلٹ باجی‘ کے نام سے شہرت پانے والی زیوارد عمران نے بتایا تھا کہ وہ بہن بھائیوں میں سب سے بڑی ہیں، ویسے تو مجھے باجی کہلوانا پسند نہیں لیکن جب لوگوں نے کہنا شروع کیا تو اچھا لگا۔
