کراچی : لانڈھی مانسرہ کالونی میں گھر سے نوجوان کی پھندا لاش برآمد ہوئی، عبدل خان چائے کے ہوٹل پر کام کرتا تھا۔
تفصیلات کے مطابق کراچی کے علاقے لانڈھی مانسرہ کالونی میں گھر سے نوجوان کی پھندا لگی لاش ملی، ریسکیوحکام نے بتایا کہ شناخت 25 سالہ عبدل کے نام سے ہوئی۔
حکام کا کہنا تھا کہ نوجوان کی لاش کو جناح اسپتال منتقل کیا گیا، عبدل خان چائے کے ہوٹل پر کام کرتا تھا، آبائی تعلق کوئٹہ سے ہے۔
پولیس نے بتایا کہ عبدل خان ہوٹل کی چھت پر کوارٹر میں رہائش پذیر کئی دنوں سے پریشان تھا۔
متوفی دوروزسےکام پربھی نہیں آرہاتھا،کمرےمیں پھندالگاکرخودکشی کرلی، خودکشی کی وجہ گھریلو پریشانی لگ رہی ہے،تحقیقات کر رہے ہیں۔
یاد رہے کراچی کے علاقے اورنگی ٹاؤن کی کچرا کنڈی میں الماری سے نوجوان کی تشدد زدہ لاش برآمد ہوئی تھی۔
سفاک ملزمان نے نوجوان کو تشدد کا نشانہ بنانے کے بعد لاش الماری میں بند کرکے کچرا کنڈی میں پھینک دی تھی ، مقتول حسن شاہ کارپینٹر اورنگی ٹاؤن سیکٹر 9 کا رہائشی اور کمسن بیٹی کا باپ تھا۔
