معروف بھارتی پروڈیوسر کرن جوہر نے 2018 کی محبت کی کہانی ’دھڑک‘ کے سیکوئل کا اعلان کردیا۔
فوٹو اینڈ شیئرنگ ایپ انسٹاگرام پر معروف بھارتی پروڈیوسر کرن جوہر نے اپنی نئی فلم ‘دھڑک 2’ کا اعلان کیا ہے، شازیہ اقبال کی ہدایتکاری میں بننے والی اس فلم میں اداکار سدھانت چترویدی کے ساتھ اداکارہ ترپتی دمری مرکزی کردار ادا کریں گی۔
کرن جوہر نے فلم کا پوسٹر شیئر کرتے ہوئے ہندی میں لکھا کہ ’ ‘ایک بار ایک بادشاہ تھا اور ایک ملکہ تھی، وہ دونوں مختلف ذات سے تھے اور یہیں کہانی ختم ہوئی‘
View this post on Instagram
کیپشن میں مزید لکھا گیا کہ شازیہ اقبال کی ہدایتکاری میں بننے والی اس فلم میں سدھانت چترویدی اور ترپتی دمری مرکزی کردار ادا کریں گے، یہ فلم 22 نومبر 2024 کو سینما گھروں میں ریلیز کی جائے گی۔
واضح رہے کہ 2018 میں ریلیز ہونے والی فلم ’دھڑک‘ ایشان کھتر اور جھانوی کپور نے مرکزی کردار ادا کیا تھا تاہم اب دھڑک 2 میں ترپتی اور سدھانت اداکاری کے جوہر دکھائیں گے۔
یاد رہے کہ اداکارہ ترپتی دمری نے فلم ’لیلا مجنوں‘ ’بلبل‘ جیسے فلم میں اداکاری کے جوہر دکھائے لیکن فلم اینیمل کے بعد ان کی شہرت میں مزید اضافہ ہوا جبکہ اداکار سدھانت چترویدی آخری بار فلم ’کھو گئے ہم کہاں‘ میں اداکاری کے جوہر دکھاتے نظر آئے تھے۔
