ممبئی: بالی ووڈ کی مشہور اداکارہ کرینہ کپور کی اپنے سابق بوائے فریند اداکار شاہد کپور کو نظر انداز کرنے کی ویڈیو سوشل میڈیا پر وائرل ہوگئی۔
بھارتی میڈیا کے مطابق 20 فروری کو ممبئی میں دادا صاحب پھالکے انٹرنیشنل فلم فیسٹیول ایوارڈز کی تقریب منعقد ہوئی، اس تقریب میں ریڈ کارپٹ پر کرینہ کپور اور شاہد کپور کا آمنا سامنا ہوا جس کی ویڈیو سوشل میڈیا پر وائرل ہو رہی ہے۔
سوشل میڈیا پر وائرل ہونے والی ویڈیو میں دیکھا جاسکتا ہے کہ بالی ووڈ کی ’بیبو‘ کرینہ نے اپنے سابق بوائے فرینڈ اور اداکار شاہد کپور کو نظر انداز کردیا۔
View this post on Instagram
ویڈیو میں دیکھا جاسکتا ہے کہ شاہد کپور اپنا ایوارڈ تھامے ہدایت کار جوڑی راج اور ڈی کے کے ساتھ کیمرے کے سامنے پوز دے رہے ہوتے ہیں کہ اسی دوران کرینہ کپور وہاں آجاتی ہیں۔
وائرل ویڈیو میں دیکھا جاسکتا ہے کہ کرینہ کپور نے سامنے کھڑے شاہد کپور کو نظر انداز کرتے ہوئے دیگر لوگوں سے بات کی اور پھر وہاں سے آگے نکل گئیں۔
واضح رہے کہ ماضی میں کرینہ کپور اور شاہد کپور کے درمیان ایک لمبے عرصے گہری دوستی قائم رہی تھی جس کے باعث وہ خوب خبروں کی زینت بھی بنے رہے تھے لیکن اب دونوں اداکار ہی الگ الگ خوشگوار زندگی گزار رہے ہیں۔