بولی وڈ اداکارہ کرینہ کپور نے سوشل میڈیا پر ٹرولنگ کرنے والوں کو کرارا جواب دیا ہے۔
بولی وڈ خبروں کی ویب سائٹ ’کوئی موئی‘ کے مطابق ’کبھی خوشی کبھی غم‘ کی ہیروئن کو سوشل میڈیا پر لوگ ’بڈھی‘ یا عمر رسیدہ ہونے کے طعنے دیتے ہیں اور ٹرولنگ کرتے رہتے ہیں۔
تاہم اب انہوں نے سوشل میڈیا ٹرولنگ کا مقابلہ کرنے کی ٹھان لی ہے۔
اپنی انسٹاگرام اسٹوری میں انہوں نے ایسے لوگوں کو نشانہ بنایا جو انہیں ’بڈھی‘ کے لفظ سے پکارتے ہیں، کرینہ کپور نے اس لفظ کا اسکرین شاٹ اپنی پوسٹ میں شامل کرتے ہوئے لکھا کہ ’میں کمنٹس میں یہ دیکھتی رہتی ہوں اور یہ لفظ سرفہرست ہوتا ہے۔‘
یہ بھی پڑھیں: کرینہ کپور سے موازنہ : اداکارہ نوشین شاہ بول پڑیں
بولی وڈ اداکارہ کرینہ کپور اکتالیس برس کی ہوچکی ان کے دو بچے ہیں لیکن وہ ابھی تک فِٹ ہیں اور اتنی زیادہ عمر کی نہیں لگتی ہیں،ان کی عمر پر کئی مرتبہ بات کی گئی اور جو لوگ ایسی باتیں کرتے ہیں ان کو انہوں نے بھرپور جواب دیا ہے۔
