بھارتی ریاست کرناٹک کے شہر بنگلور میں بی جے پی رہنما اور رکن قانون ساز اسمبلی (ایم ایل اے) پر خاتون کی جانب سے سرکاری گاڑی میں جنسی زیادتی کا الزام عائد کیا گیا ہے۔
بھارتی میڈیا کا اس حوالے سے کہنا ہے کہ بی جے پی کے رہنما منیرتھنا نائیڈو پر زیادتی کے کیس میں متاثرہ خاتون نے پولیس کو دی گئی اپنی شکایت میں بتایا ہے کہ بی جے پی رہنماء نے ودھان سودھا کے ہمراہ اپنی سرکاری گاڑی میں اسے جنسی زیادتی کا نشانہ بنایا۔
میڈیا رپورٹس کے مطابق منیرتھنا نائیڈو کو ہنی ٹریپ اور خاتون سے زیادتی کے الزام میں حراست میں لے کر تحقیقات تفتیش شروع کردی گئی ہیں۔
منیرتھنا نائیڈو کے خلاف تحقیقات سپرنٹنڈنٹ آف پولیس سومیا لتھا کی سربراہی میں سینئر آئی پی ایس افسر بی کے سنگھ کی نگرانی میں جاری ہیں۔
ملزم کو 24 ستمبر کی رات بنگلور سینٹرل جیل سے سی آئی ڈی دفتر منتقل کیا گیا تھا اور 25 ستمبر سے انہیں کئی بار پوچھ گچھ کیلیے طلب کیا جا چکا ہے، جبکہ پولیس کی جانب سے ان کا میڈیکل بھی کروانے کا کہا گیا ہے۔
رپورٹس کے مطابق خصوصی تحقیقاتی ٹیم ملزم کا موبائل تلاش کرنے میں مصروف ہے، جبکہ ملزم کا کہنا ہے کہ اس کا موبائل کہیں گم ہوگیا ہے۔
لاپتہ تین نابالغ لڑکیاں بازیاب، سی سی ٹی وی فوٹیج سامنے آگئی
تحقیقاتی ٹیم نے ان کے موبائل کا آئی ایم ای آئی نمبر حاصل کرلیا ہے اور اسے ٹریس کرنے کی کوشش کی جارہی ہے۔ خاتون نے الزام عائد کیا ہے کہ ملزم کی جانب سے اسی موبائل فون سے متعدد مرتبہ ویڈیو کالز بھی کی گئی تھیں۔
