کرناٹک : کرناٹک کے وزیر بی زیڈ ضمیر احمد خان کا کہنا ہے کہ اگر مودی اور امیت شاہ اجازت دیں تو وہ پاکستان میں خودکش بمبار بن کر جائیں گے اور حملہ کرینگے۔
تفصیلات کے مطابق مودی سرکار کے وزرا پاکستان دشمنی میں زہر اگلنے لگے، کرناٹک کے وزیر بی زیڈ ضمیر احمد خان کا کہنا ہے کہ پاکستان میں خودکش حملہ کرنے کیلئے تیار ہوں۔۔۔کہا اگر مودی اور امیت شاہ اجازت دیں تو وہ پاکستان میں خودکش بمبار بن کر جائینگے اور حملہ کرینگے۔
پریس کانفرنس کے دوران ان کے بیان پر سب ہنس پڑے، جس پر وزیر نے کہا یہ مذاق نہیں وہ سنجیدہ ہیں۔
اس مضحکہ خیز بیان پر مخالفین اور سوشل میڈیا صارفین ان کو آڑے ہاتھوں لے رہے ہیں جبکہ ان کا یہ بیان، جو جموں و کشمیر کے پہلگام میں دہشت گردانہ حملے اور ہندوستان اور پاکستان کے درمیان بڑھتی ہوئی کشیدگی کے تناظر میں آیا ہے، تیزی سے وائرل ہورہا ہے۔
