اسلام آباد: کرتاپورراہداری پر پاک بھارت تکنیکی مذاکرات کا اعلامیہ جاری کردیا گیا، مذاکرات مثبت اور تعمیری ماحول میں ہوئے۔
تفصیلات کے مطابق اعلامیے میں کہا گیا ہے کرتاپورراہداری کے زیروپوائنٹ کا مشترکہ سروے کیا گیا، کرتاپورراہداری سے متعلق تکنیکی معلومات پر بھی تبادلہ خیال ہوا۔
سڑک کی تعمیر اور اس کے حفاظتی اقدامات پر غور ہوا، اعلامیے میں کہا گیا ہے بعض تکنیکی امور پر اتفاق رائے ہوگیا ہے۔
اعلامیے کے مطابق حل طلب تکنیکی امور جلد طے کرلیے جائیں گے، مذاکرات کا آئندہ دور دو اپریل کو واہگہ میں ہوگا۔
کرتار پور راہداری منصوبے پر پاک بھارت ٹیکنیکل ماہرین کی ملاقات زیرو لائن پر ہوئی، جس میں پاکستان اوربھارت نے کرتارپورراہداری پر دونوں جانب باڑ لگانے پر اتفاق کرلیا گیا۔
خیال رہے کرتارپور رہداری پر آج پاکستان اور بھارت کے درمیان ہونے والے مذاکرات مثبت رہے، جبکہ مذاکرات کااگلا دور2 اپریل کوواہگہ میں ہوگا۔
یاد رہے اس سے قبل 14 مارچ کو ترجمان دفتر خارجہ ڈاکٹر محمد فیصل کی قیادت میں ایک وفد اٹاری گیا تھا، جہاں بھارتی حکام سے کرتار پور راہداری منصوبے پر مذاکرات کئے گئے تھے۔
کرتارپور راہداری کھولنے کا فیصلہ جنوبی ایشیا کی تاریخ میں ایک سنگ میل ہے،ترجمان دفتر خارجہ
وطن واپسی پر ترجمان دفترخارجہ کا کہنا تھا پاک بھارت وفود میں دوسری ملاقات 2 اپریل کو پاکستان میں ہوگی، بہت اچھی میٹنگ ہوئی، ہم آگے بڑھ چکے ہیں، 19 مارچ کو کرتارپور راہداری پر زیرو پوائنٹ پر ایک اور اجلاس ہوگا، 2 اپریل کو اجلاس پاکستان میں ہوگا، جس میں میڈیا کو مدعو کریں گے۔
0
20
