بھارتی اداکار کارتک آریان کو اسکول کے بچوں سے ملنے والی پیار کی ویڈیو سوشل میڈیا پر شیئر کرنا مہنگا پڑگیا۔
اداکار کارتک آریان نے ٹوئٹر پر ایک ویڈیو شیئر کی جس میں اسکول کے بچوں کو ان سے پیار کرتے ہوئے دیکھا جاسکتا ہے۔
ہوا کچھ یوں کہ اداکار کارتک اپنی گاڑی میں کہی جارہے ہوتے ہیں لیکن ٹریفک کے باعث ان کی گاڑی ایک بچوں کے اسکول بس کے سامنے رکتی ہے۔
کارتک آریان کو دیکھ کر بچے خوش ہوتے نظر آتے ہیں جس کو اداکار نے اپنے فون میں ریکارڈ کرنے کے بعد سوشل میڈیا اکاؤنٹ پر شیئر کردیا۔
Traffic ho toh aisa ❤️👼🏻 pic.twitter.com/FVSX7Iz9g8
— Kartik Aaryan (@TheAaryanKartik) February 21, 2023
ویڈیو شیئر کرتے ہوئے کارتک آریان نے لکھا، ’’ٹریفک ہو تو ایسا‘‘، جس کے بعد جہاں کچھ لوگوں نے ان کی تعریف کی، وہی شہزادہ فلم کی ناکامی پر انہیں تنقید کا نشانا بنایا گیا۔
ایک صارف کا کہنا تھا کہ ’ یہ کس فلم کا سین کاپی کر کے شیئر کیا ہے، جبکہ ایک اور صارف نے لکھا کہ شاہ رخ خان بننے کی کوشش کیوں کررہے ہو۔
واضح رہے روانں ماہ ریلیز ہونے والی فلم شہزادہ کو روہت دھون نے ڈائریکشن دی ہے جبکہ فلم میں کارتک آریان کے ساتھ کریتی سینن مرکزی کردار ادا کررہی ہیں ۔ اس کے علاوہ پریش راول، رونت رائے، راج پال یادو اور دیگر بھی موجود ہیں، فلم نے اب تک 25 کروڑ روپے کا بزنس کیا ہے۔
