ممبئی: بالی ووڈ اداکار کارتک آریان اور انیس بزمی اور بھوشن کمار نے فلم ’بھول بھلیاں ٹو‘ کی کامیابی کے بعد اس کے تیسرے پارٹ کی تیاریاں شروع کردیں۔
بھارتی میڈیا رپورٹس کے مطابق ہدایت کار انیس بزمی اور پروڈیوسر بھوشن کمار نے بھول بھلیاں تھری کے لیے کاسٹنگ شروع کردی ہے اور جلد اس کا آفیشل اعلان کیا جائے گا۔
بھول بھلیاں تھری کی شوٹنگ کا آغاز گلے برس فروری میں ہوگا اور فلم 2024 دیوالی کے موقع پر بڑے پردے کی زینت بنے گی۔
فلم میں کارتک آریان اور سارہ علی خان اداکاری کے جوہر دکھائیں گے، کارتک اور سارہ اس سے قبل فلم ’لو آج کل‘ کے سیکوئل میں اداکاری کے جوہر دکھا چکے ہیں۔
بھول بھلیاں تھری گزشتہ دو پارٹس کی طرح کامیڈی اور ہارر ہوگی۔
واضح رہے کہ بھول بھلیاں سیریز کی دونوں فلمیں باکس آفس پر ہٹ ثابت ہوئی تھیں۔ پہلی فلم میں اکشے کمار اور ودیا بالن نے اداکاری کے جوہر دکھائے تھے جبکہ دوسرے پارٹ میں کارتک آریان اور کیارا ایڈوانی شامل تھے۔
