برسلز : کشمیر کونسل ای یو نے اقوام متحدہ سے بھارت پر فوری پابندیوں کا مطالبہ کردیا اور کہا بھارت کی دہشت گردانہ کارروائیاں عالمی امن کےلیےخطرہ ہیں۔
تفصیلات کے مطابق چیئرمین کشمیرکونسل ای یو علی رضا سید نے ویڈیو بیان میں امریکی کمیشن کی رپورٹ کی سراہتے ہوئے کہا کہ بھارت کی غیرملکی سرزمین پر دہشت گردانہ کارروائیاں عالمی امن کیلئےخطرہ ہے۔
علی رضا سید کا کہنا تھا کہ سکھ رہنماؤں کے قتل کی سازشیں عالمی دہشت گردی کی مثال ہیں، مودی حکومت کشمیری مسلم اکثریت کو اقلیت میں بدلنےکی سازش کر رہی ہے۔
کشمیر کونسل ای یو نے اقوام متحدہ سے بھارت پر فوری پابندیوں اور کشمیری عوام پر ظلم روکنے کے لیے بھارت پر عالمی دباؤ کا مطالبہ کردیا۔
یاد رہے امریکی کمیشن برائےمذہبی آزادی کی رپورٹ میں ’’را‘‘پرپابندیوں کی سفارش کی گئی اور بھارت کواقلیتوں کیلئے غیر محفوظ ملک قرار دینے کا مطالبہ کیا تھا۔
رپورٹ میں بتایا گیا ہے نیویارک میں 2023میں امریکی سکھ کارکن کوقتل کرنےکی کوشش کی گئی، سازش میں بھارتی ایجنسی را اور 6 سفارتی اہلکاروں کےملوث ہونےکی کینیڈین حکام نے تصدیق کی۔
امریکی کمیشن کے مطابق وکاش یادیو اور دیگر کے اثاثے منجمد اور امریکا داخلے پر پابندی لگائی جائے ساتھ ہی بھارت کو ڈرون اور دیگر ہتھیاروں کی فراہمی کا ازسرنو جائزہ لیا جائے۔
