The news is by your side.

Advertisement

مقبوضہ کشمیر کی مسجد سے آزادی کے حق میں نعرے گونجنے لگے (ویڈیو)

سری نگر: مقبوضہ کشمیر کی مسجد سے آزادی کے حق میں نعرے گونجنے لگے۔

تفصیلات کے مطابق کشمیر میڈیا سروس نے اپنی ویب سائٹ پر ایک ویڈیو جاری کی ہے، جس میں مسجد کی لاؤڈ اسپیکر سے کشمیر کی آزادی اور بھارت کے خلاف نعرے لگائے جا رہے ہیں۔

سوا دو منٹ کی اس ویڈیو میں دیکھا اور سنا جا سکتا ہے کہ لاؤڈ اسپیکر سے مسلسل کشمیر کی آزادی کے نعرے بلند ہو رہے ہیں، لاؤڈ اسپیکر پر کہا جا رہا ہے ‘ہم لے کے رہیں گے آزادی، ہم چھین کے لیں گے آزادی۔

یہ ویڈیو چند راہگیروں نے بنائی ہے، اور جسے کشمیر میڈیا سروس نے آج ہفتے کو اپنی ویب سائٹ پر اپ لوڈ کیا ہے۔

واضح رہے کہ مقبوضہ جموں و کشمیر میں غاصب بھارتی فوجیوں نے اپنی ریاستی دہشت گردی کی تازہ کارروائی میں آج ضلع کولگام میں ایک کشمیری نوجوان کو شہید کر دیا ہے۔

مقبوضہ جموں و کشمیر میں بھارتی پولیس نے آج ضلع پلوامہ سے پانچ نوجوانوں کو گرفتار کیا، پولیس نے ان نوجوان کو ضلع کے علاقے لیلہار میں چھاپے کے دوران گرفتار کیا۔

پولیس ترجمان کا کہنا تھا کہ نوجوانوں کی شناخت شوکت اسلام ڈار، اعزاز احمد لون، اعزاز گلزار لون، منظور احمد بٹ اور ناصر احمد شاہ کے طور پر ہوئی ہے۔

پولیس نے دعویٰ کیا ہے کہ گرفتار نوجوان عسکریت پسندوں کے اوور گراؤنڈ ورکرز (OGWs) تھے۔

Comments

یہ بھی پڑھیں