The news is by your side.

Advertisement

کشمیر یوں کو پاک بھارت مذاکرات کے عمل میں شامل کیا جائے: یورپی رکن پارلیمنٹ

برسلز: یورپی رکن پارلیمنٹ ڈاکٹر سجاد کریم نے پاک بھارت کشیدگی پر تشویش کا اظہار کرتے ہوئے دونوں ملکوں کو مذاکرات کے ذریعے تنازعہ کے حل پر زور دیا ہے۔

تفصیلات کے مطابق اپنے ایک بیان میں یورپی رکن پارلیمنٹ کا کہنا تھا کہ دونوں ملک کشیدگی میں خاتمے کے لیے مذاکرات کریں اور کشمیریوں کو مذاکرت کے عمل میں شامل کیا جائے۔

ان کا مزید کہنا تھا کہ پاکستان کے بھارتی پائلٹ کی حوالگی کے اقدام کا خیر مقدم کرتے ہیں، خطے میں امن چاہتے ہیں۔

دریں اثنا ڈاکٹر سجاد کریم نے پاک بھارت وزرائے اعظم اور صدر یورپی پارلیمنٹ کو خط لکھا ہے، ڈاکٹرسجاد کریم کے خط پر40 یورپی ارکان پارلیمنٹ نے بھی دستخط کیا۔

خط میں کہا گیا ہے کہ دونوں ممالک ایک ساتھ بیٹھیں اور جلد از جلد تنازع کے خاتمے کے لیے حل نکالیں۔

کشیدگی ختم، جنگ کے بادل چھٹ گئے، بھارت کا ہائی کمشنر واپس بھیجنے کا فیصلہ

یاد رہے کہ مقبوضہ کشمیر کے علاقے پلوامہ میں ہونے والے خودکش دھماکے کے بعد دونوں ممالک کے درمیان کشیدگی خطرناک حد تک بڑھ گئی تھی البتہ پاکستان کی خطے میں امن کی خواہش کیوجہ سے حالات بدستور صحیح سمت جارہے ہیں۔

خیال رہے کہ پاکستان نے فوقیت حاصل کرنے کے باوجود بھارت سے مذاکرات کی بات کی اور پلوامہ حملے کے شواہد فراہم کرنے کا مطالبہ کیا تھا تاہم ابھی تک مودی سرکاری نے کوئی ثبوت فراہم نہیں کیا۔

Comments

comments

یہ بھی پڑھیں