کشمیریوں سے اظہار یکجہتی کے لئے آج ملک بھر میں یوم یکجہتی کشمیر منایا جارہا ہے، اس حوالے سے مرکزی تقریب ڈی چوک اسلام آباد پر معنقد ہوگی۔
یوم یکجہتی کشمیرسنہ 1990 سے ہرسال پانچ فروری کو ملک بھرمیں جوش وخروش سے منایا جاتا ہے، اس دن کو منانے کا مقصد بھارتی مظالم کا شکار کشمیریوں کی حمایت کرنا ہے۔
اس سلسلے میں مرکزی تقریب ڈی چوک اسلام آباد پرہوگی، صبح دس بجے ایک منٹ کی خاموشی اختیار کر کے شہدائے کشمیرکو خراج عقیدت پیش کیا جائے گا۔
یوم یکجہتی کشمیر: صدر مملکت اور وزیراعظم کا خصوصی پیغام
اس کے علاوہبھارت کی ریاستی دہشت گردی اور مظلوم کشمیریوں کی قربانیاں اجاگر کرنے کیلئے شہرشہرریلیاں نکالی جائیں گی، آزاد کشمیر اور ملک بھر میں بھی ریلیاں نکالی جائیں گی۔
پاکستان کی اس بے لوث حمایت کو کشمیری رہنما بھی خراج تحسین پیش کرتے ہیں، آج کے دن دنیا کے مختلف ممالک میں رہنے کشمیری حق خودارادیت کے لیے اقوام عالم کی جانب دیکھ رہے ہیں اور پاکستانی عوام اپنی سیاسی، سفارتی اور اخلاقی حمایت لیے ان کے شانہ بشانہ ہیں۔
اس دن کی مناسبت سے ملک بھر میں ثقافتی پروگرام منعقد کیےجارہے ہیں جبکہ تعلیمی اداروں میں خصوصی تقریبات کا اہتمام کیا گیا ہے اس موقع پر کنٹرول لائن پر انسانی ہاتھوں کی زنجیر بنانے کے ساتھ اقوام متحدہ کے دفتر میں یادداشت بھی پیش کی جاتی ہے۔
