spot_img

تازہ ترین

سنی اتحاد کونسل نے مخصوص نشستوں کیلیے درخواست جمع کرا دی

سنی اتحاد کونسل نے خواتین اور اقلیتوں کی مخصوص...

پی ٹی آئی کا 3 مارچ کو انٹرا پارٹی الیکشن کرانے کا اعلان

پاکستان تحریک انصاف نے 3 مارچ کو انٹرا پارٹی...

وفاق کے بعد بلوچستان میں بھی حکومت سازی کے معاملات طے پاگئے

اسلام آباد : وفاق کے بعد بلوچستان میں بھی...

شادی کی تقریب سے واپسی پر وین کو حادثہ، 6 افراد جاں بحق

پنجاب کی تحصیل دنیا پور میں شادی کی تقریب...

کشمیریوں کی زندگی بھی اہمیت رکھتی ہے، مہوش حیات

کراچی: بھارتی فوج کے ہاتھوں کشمیری شہری کی شہادت پر ننھے بچے کی روتے ہوئی تصویر نے اداکارہ مہوش حیات کو بھی افسردہ کردیا۔

تفصیلات کے مطابق تمغہ امتیاز حاصل کرنے والی معروف پاکستانی اداکارہ مہوش حیات نے سماجی رابطے کی ویب سائٹ ٹویٹر پر لکھا کہ ’کشمیریوں کی زندگی بھی اہمیت رکھتی ہے۔‘

اداکارہ نے لکھا کہ بھارتی فوج کی بربریت پر دنیا کس طرح خاموش رہ سکتی ہے، ہم کتنی دیر تک آنکھیں موند رکھیں‌ گے، اس کو روکنا ہوگا۔

مہوش حیات نے لکھا کہ بھارتی فوج کی جانب سے بے گناہ کشمیریوں کو شہید کیا جارہا ہے، کشمیریوں کی زندگی بھی اہمیت رکھتی ہے۔

واضح رہے کہ گزشتہ روز بھارتی فوج نے اندھا دھند فائرنگ کرکے 3 سالہ بچے کے سامنے نانا کو شہید کردیا تھا، تین سالہ نواسے کی نانا کی میت کے قریب رونے کی ویڈیو نے دیکھنے والوں کو رلا دیا۔

بھارتی فورسزکی بربریت کی ویڈیو سوشل میڈیا پروائرل ہوگئی اور نانا کی میت کے قریب روتے تین سال کے بچے کی ویڈیونے دیکھنے والوں کو اشکبار کردیا۔

مقبوضہ کشمیر میں بھارتی فورسز کی فائرنگ سے شہید پینسٹھ سال کے بشیراحمد خان اپنے نواسے کے ساتھ سرینگر سے بارہ مولا جارہے تھے، غم سے نڈھال بشیرخان کے اہلخانہ کا کہنا ہے کہ بشیر خان کو بھارتی فورسز نے شہید کیا۔

بشیر خان کی بیٹی کا کہنا تھا کہ والد کو بچے کے سامنے شہید کیا گیا، ایسے ظالموں کو فوری موت کی سزا ملنا چاہئیے۔

Comments

- Advertisement -