بھارت کے یوم جمہوریہ کے موقع پر لائن آف کنٹرول کے دونوں جانب اور دنیا بھر میں رہنے والے کشمیری بھارت کے غاصبانہ قبضے اور ظلم کے خلاف یوم سیاہ منا رہے ہیں۔
تفصیلات کے مطابق بھارت کے یوم جمہوریہ کے موقع پر مقبوضہ کشمیر میں گھر گھر سیاہ پرچم لہرا دیے گئے۔ میر واعظ عمر فاروق، سید علی گیلانی اور یاسین ملک کی اپیل پر مقبوضہ وادی میں مکمل ہڑتال ہے۔ کاروباری مراکز، تعلیمی ادارے اور ٹرانسپورٹ معطل ہے۔
مقبوضہ کشمیر کی کٹھ پتلی انتظامیہ نے بھارت مخالف احتجاجی مظاہروں کو روکنے کے لیے اضافی اہلکار تعینات کر دیے اور جگہ جگہ رکاوٹیں کھڑی کردی گئی ہیں۔
بھارت کی ریاستی دہشت گردی کے خلاف مقبوضہ کشمیر کے مختلف علاقوں میں احتجاجی مظاہرے کیے جائیں گے۔
بھارتی مظالم کے باوجود کشمیری آزادی کے حصول کے لیے سینہ سپر ہیں۔
