The news is by your side.

Advertisement

کاشف علی کی شاندار سنچری، راولا کوٹ ہاکس فائنل میں پہنچ گئی

مظفرآباد: کشمیر پریمیئر لیگ (کے پی ایل) کے دوسرے ایلیمینٹر میچ میں راولا کوٹ ہاکس نے میرپور رائلز کو سنسنی خیز مقابلے کے بعد 4 وکٹوں سے شکست دے دی۔

تفصیلات کے مطابق کے پی ایل کے دوسرے ایلیمینٹر میچ میں راولا کوٹ ہاکس نے میرپور رائلز کی جانب سے دیا جانے والا 237 رنز کا ہدف آخری اوور میں حاصل کرلیا۔

کاشف علی نے 51 گیندوں پر 114 رنز کی ناقابل شکست اننگز کھیلی، ان کی اننگز میں 8 چھکے اور 9 چوکے شامل تھے، حسین طلعت 22 گیندوں پر 51 رنز بنا کر نمایاں رہے۔

کپتان شاہد آفریدی نے 19 رنز بنائے، اوپنر بسم اللہ خان نے 15 رنز بناسکے۔

میرپور رائلز کے عماد بٹ نے تین اور ثمین گل نے دو وکٹیں حاصل کیں۔

اس سے قبل میرپور رائلز نے مقررہ اوورز میں 4 وکٹوں کے نقصان پر 236 رنز بنائے تھے، شرجیل خان نے 141 رنز کی دلکش اننگز کھیلی تھی جبکہ محمد اخلاق نے 29 رنز بنائے تھے۔

راولا کوٹ ہاکس کے فاسٹ بولر زمان خان نے دو وکٹیں حاصل کیں جبکہ شاہد آفریدی نے ایک وکٹ حاصل کی۔
ایونٹ کا فائنل کل راولا کوٹ ہاکس اور مظفر آباد کے درمیان کھیلا جائے گا۔

Comments

یہ بھی پڑھیں