برطانوی شہزادی کیٹ مڈلٹن کی پیٹ کی سرجری کے بعد ان کی ذہنی اور جسمانی صحت کے بارے میں تشویش میں اضافہ ہوگیا ہے۔
بین الاقوامی خبر رساں ادارے کی رپورٹ کے مطابق برطانوی شہزادی کیٹ مڈلٹن اس وقت بہت زیادہ جذباتی اور نازک حالت میں ہیں۔ کیٹ مڈلٹن کی 16 جنوری کو پیٹ کی سرجری ہوئی تھی۔
اپنے ایک حالیہ انٹرویو کے دوران شاہی مبصر پینی جونور نے برطانوی شہزادی کیٹ مڈلٹن کی صحت سے متعلق کھل کر بات کی۔
شاہی مبصر پینی جونور کا کہنا تھا کہ برطانوی شہزادی کیٹ مڈلٹن پیٹ کی سرجری کے بعد ذہنی اور جسمانی طور پر کافی کمزوری کا سامنا کر رہی ہیں اور اُنہیں علاج کے دوران، ابھی تکلیف کے اس گہرے احساس کو مزید جھیلنا پڑے گا۔
انہوں نے کہا کہ ہمیں ایک ایسی خاتون کو جو اپنی معمول کی زندگی کی طرف لوٹنے کی کوششوں میں مصروف ہیں، ان پر بے جا تنقید نہیں کرنی چاہئے۔
بی جے پی کا نوپور شرما سے متعلق اہم فیصلہ
شاہی مبصر پینی جونور کا مزید کہنا تھا کہ میڈیا اور سوشل میڈیا کو سمجھداری کا مظاہرہ کرتے ہوئے برطانوی شہزادی کے ساتھ موجودہ صورتحال میں ہمدردی سے پیش آنا چاہیے۔