تازہ ترین

فیض آباد دھرنا : انکوائری کمیشن نے فیض حمید کو کلین چٹ دے دی

پشاور : فیض آباد دھرنا انکوائری کمیشن کی رپورٹ...

حکومت نے پیٹرولیم مصنوعات کی قیمتوں میں اضافہ کردیا

حکومت کی جانب سے پیٹرولیم مصنوعات کی نئی قیمتوں...

سعودی وزیر خارجہ کی قیادت میں اعلیٰ سطح کا وفد پاکستان پہنچ گیا

اسلام آباد: سعودی وزیر خارجہ شہزادہ فیصل بن فرحان...

حکومت کل سے پٹرول مزید کتنا مہنگا کرنے جارہی ہے؟ عوام کے لئے بڑی خبر

راولپنڈی : پیٹرول کی قیمت میں اضافے کا امکان...

نئے قرض کیلئے مذاکرات، آئی ایم ایف نے پاکستان کے لیے خطرے کی گھنٹی بجادی

واشنگٹن : آئی ایم ایف کی منیجنگ ڈائریکٹر کرسٹیلینا...

آدی پرش ڈائیلاگ تنازع، بھارتی فلموں کی نمائش پر پابندی عائد

بالی ووڈ اداکار پربھاس اور اداکارہ کریتی سینن کی میگا بجٹ فلم ’آدی پرش‘ ریلیز ہوتے ہی ڈائیلاگ کی وجہ سے تنازعات کا شکار ہوگئی۔

رامائن پر مبنی فلم ‘آدی پرش ‘ کی 16 جون بروز جمعہ سے دنیا بھر کے سینیما گھروں میں نمائش جاری ہے۔ اس فلم سے وابستہ لوگوں کا کہنا ہے کہ اس نے ریکارڈ بزنس کیا ہے۔

تاہم ریلیز کے ساتھ ہی یہ فلم تنازع کا شکار ہو گئی ہے اور سوشل میڈیا پر لوگ اسے سخت تنقید کا نشانہ بنا رہے ہیں۔

ہندوؤں کی ایک سخت گیر تنظیم ہندو سینا نے ‘آدی پُرُش’ کے خلاف دہلی ہائی کورٹ میں ایک رٹ پٹیشن دائر کی ہے جس میں مطالبہ کیا گیا کہ فلم کو عوامی نمائش کے لیے سند نہ دی جائے۔

اب نیپال کے دارالحکومت کھٹمنڈو نے بھارتی فلموں کی ریلیز پر پابندی لگا دی ہے۔

کھٹمنڈو میں بھارتی فلموں پر مکمل پابندی اس وقت لگائی گئی جب دارالحکومت کے میئر بلن شاہ نے فلم آدی پرش میں سیتا کی تصویر کشی پر سوالات اٹھائے۔

رپورٹس کے مطابق کھٹمنڈو کے میئر بلن شاہ نے کھٹمنڈو میٹروپولیٹن ایریا میں تمام ہندوستانی فلموں کی نمائش پر پابندی کا اعلان کیا اور پولیس کو بھی تعینات کیا ہے تاکہ اس بات کو یقینی بنایا جاسکے کہ میٹروپولیٹن ایریا کے سینماؤں میں ہندوستانی فلموں کی نمائش نہ ہو۔

کھٹمنڈو کے میئر نے کہا کہ بھارتی فلموں کی نمائش پر پابندی اس وقت تک برقرار رہے گی جب تک کہ آدی پرش سے متنازع ڈائیلاگ کو ہٹا نہیں دیا جاتا۔

Comments

- Advertisement -