خوب صورت بالی ووڈ اداکارہ کترینہ کیف اور وکی کوشل کے عروسی لباس کی حیران کن تفصیلات سامنے آ گئیں۔
کترین کیف اور اداکار وکی کوشل گزشتہ روز رشتہ ازدواج میں منسلک ہو گئے، شادی کے دن اداکار جوڑے نے جو عروسی لباس پہنا تھا اس پر سونا، چاندی اور ہیرے جڑے ہوئے تھے۔
اگرچہ شادی کی تقریب میں موبائل فون کے استعمال اور تصاویر لینے پر سخت پابندی عائد تھی، تاہم چند ویڈیوز اور تصاویر جاری کی گئی ہیں، جن میں وہ تصاویر بھی شامل ہیں جن میں دونوں شادی کے خصوصی جوڑے میں نظر آتے ہیں۔
یہ تصاویر کترینہ اور وکی کی جانب سے جاری کی گئی ہیں، جن میں کترینہ کیف شادی کے روز سرخ رنگ کے خوب صورت لہنگے میں نظر آئیں اور ان کے شوہر وکی کوشل نے آئیوری رنگ کی شیروانی زیب تن کی تھی۔
View this post on Instagram
کترینہ اور وکی کا عروسی لباس معروف بھارتی ڈیزائنر سبیا ساچی کا تیار کردہ تھا، جس کی تصدیق ڈیزائنر کے انسٹاگرام پر بھی کی گئی ہے۔
کترینہ کا شادی کا لہنگا مٹکا سلک پر تلے کے کام کے ساتھ تیار کیا گیا تھا، جس کے چاروں بارڈر پر خوب صورت مخملی کڑھائی جھلملا رہی تھی، جب کہ کترینہ کے گھونگھٹ کو وکی کوشل کے پنجابی بیک گراؤنڈ سے جوڑا گیا تھا، جس پر چاندی اور سونے کی ملمع کاری کی گئی تھی۔
کترینہ کیف کی جیولری بھی سبیاساچی کی تیار کردہ تھی، جسے 22 قیراط سونے اور ڈائمنڈ سے تیار کیا گیا تھا۔
وکی کوشل کی شیروانی سلک پر سونے اور چاندی کے ملمع لگے بٹن کے ساتھ تیار کیا گیا، وکی کا قلا اور گلے میں پہنا ہار بھی 18 قیراط سونے اور ڈائمنڈ سے تیار کیا گیا تھا۔
