ممبئی: بالی وڈ کی ’باربی ڈول‘ کترینہ کیف کے مداح اداکارہ کے انسٹا گرام اکاؤنٹ کا نام اچانک تبدیل ہونے سے پریشان ہوگئے۔
بھارتی میڈیا کے مطابق کترینہ کیف آج اپنی تصاویر اور ویڈیوز کے بجائے انسٹا گرام اکاؤنٹ کا نام تبدیل ہونے کی وجہ سے خبروں کی زینت بن گئیں۔
کترینہ کیف نے انسٹا گرام پر کچھ گھنٹے قبل اپنی نئی تصاویر مداحوں کے ساتھ شیئر کیں اور اچانک اکاؤنٹ کا نام تبدیل کر ڈالا۔
مزید پڑھیں: کترینہ کیف کا سلمان خان کے زرین کیساتھ کام کرنے پر دلچسپ تبصرہ
مداح اس پر فکرمند ہوئے کہ کہیں ان کی پسندیدہ اداکارہ کا اکاؤنٹ کسی نے ہیک تو نہیں کرلیا۔ تاہم کترینہ کیف نے کچھ ہی دیر بعد نام دوبارہ ٹھیک کر دیا۔
بالی وڈ اسٹار کی ٹیم نے تصدیق کرتے ہوئے بتایا کہ اداکارہ نے کچھ دیر کے لیے اپنے اکاؤنٹ کا نام ’Katrina Kaif‘ سے تبدیل کر کے ’Camedia Moderatez‘ رکھا تھا۔
