بالی وڈ فلم ’ٹائیگر3‘ میں کترینہ کیف کے کردار کی جھلک سامنے آگئی، فلم کے نئے پوسٹر میں کترینہ کے انداز نے مداحوں کی بیتابی اور بڑھا دی۔

سپر اسٹار سلمان خان جو کہ ٹائیگر تھری میں مرکزی کردار بھی ادا کرتے نظر آئیں گے انھوں نے سوشل میڈیا پلیٹ فارم پر خود فلم کا پوسٹر جاری کیا جس میں کترینہ کیف کچھ الگ ہی انداز میں نظر آرہی ہیں۔

یش راج کے بینرتلے بننے والی فلم میں بالی وڈ کی سپر اسٹار اداکارہ کترینہ کیف ایکشن سے بھرپور کردار میں نظر آئیں گی جس کی پہلی جھلک سامنے آگئی ہے۔

https://twitter.com/BeingSalmanKhan/status/1711615040409739583?ref_src=twsrc%5Etfw%7Ctwcamp%5Etweetembed%7Ctwterm%5E1711615040409739583%7Ctwgr%5E5146b57174ff5e66ff629f80a68eebf56976687f%7Ctwcon%5Es1_c10&ref_url=https%3A%2F%2Fwww.express.pk%2Fstory%2F2549464%2F24

زویا کے کردار میں نظر آنے والی کترینہ کیف یش راج فلمز کی اسپائے یونیورس کی پہلی خاتون جاسوس ہیں انھوں نے ’ایک تھا ٹائیگر‘ اور ’ٹائیگر زندہ ہے‘ میں بھی بہترین پرفارمنس دکھائی تھی۔

کترینہ کیف نے انکشاف کیا تھا کہ ’ٹائیگر3‘ کے ایکشن مناظر کو شوٹ کرانے کے لیے انھیں جسمانی طور بہت محنت کرنی پڑی اور یہ اب تک کا چیلنجنگ کردار تھا۔

اداکارہ نے اس حوالے سے مزید کہا کہ وہ ایکشن فلموں کو بہت بڑی مداح ہیں اور ’زویا‘ جیسا چیلنجنگ کردار ادا کرنا ان کا خواب تھا۔