اسلام آباد : دسمبرمیں کراچی کے سوا ملک بھر کے بجلی صارفین کو ریلیف ملےگا ، دسمبر میں کے الیکٹرک صارفین سے فی یونٹ کتنے اضافی روپے وصول کرے گی؟
تفصیلات کے مطابق کےالیکٹرک کی جانب سے اپنے ذرائع سے مہنگی بجلی کی پیداوار کے اثرات برقرار ہے، جس کے باعث دسمبر میں کے الیکٹرک صارفین کو اضافی بوجھ اٹھانا پڑے گا جبکہ ملک کے باقی صارفین کوریلیف ملے گا۔
دسمبر میں کے ای صارفین جولائی کی ماہانہ ایڈجسٹمنٹ میں 3.03روپے فی یونٹ دیں گے جبکہ رواں ماہ کے ای صارفین سہ ماہی ایڈجسٹمنٹ میں 20 پیسے فی یونٹ الگ ادا کریں گے۔
دسمبرمیں کے ای صارفین کو ایک ماہانہ اور ایک سہ ماہی ایڈجسٹمنٹ کا بوجھ برداشت کرنا ہوگا اور کراچی کے سوا باقی صارفین کو دسمبر میں اکتوبرکی ایڈجسٹمنٹ کا 1.14 روپے ریلیف ملے گا۔
دسمبر میں ستمبرکی ایڈجسٹمنٹ میں کے ای صارفین کیلئے 18 پیسے فی یونٹ کمی بھی ہوگی جبکہ نومبرمیں صارفین کیلئے جون2024کی ایڈجسٹمنٹ 3.17روپے فی یونٹ تھی۔
اکتوبرمیں کے ای صارفین کے لیے مئی 2024 کی ایڈجسٹمنٹ کا بوجھ 2.59 روپےفی یونٹ اور ستمبرمیں صارفین کیلئے ماہانہ ایڈجسٹمنٹ کا بوجھ ایک روپے فی یونٹ تھا۔
