نومنتخب امریکی صدر ڈونلڈ ٹرمپ نے ریٹائرڈ جنرل کیتھ کیلوگ کو روس اور یوکرین کے لیے مندوب مقرر کردیا۔
بین الاقوامی خبر رساں ادارے کی رپورٹ کے مطابق ریٹائرڈ جنرل کیتھ کیلوگ نے روس یوکرین جنگ ختم کرنے کا منصوبہ پیش کیا تھا۔
گزشتہ دنوں نو منتخب صدر ڈونلڈ ٹرمپ نے ”امریکہ فرسٹ پولیٹکس”انسٹی ٹیوٹ کے لیے فلوریڈا میں اپنی حویلی میں منعقدہ گالا پروگرام سے خطاب کیا تھا۔
اس موقع پر اُن کا کہنا تھا کہ روس اور یوکرین کے درمیان جنگ کو اب ختم ہونا چاہیے، ہم روس اور یوکرین پر بہت زیادہ محنت کریں گے، اس چیز کو اب نکتہ پذیر کیا جانا چاہیے۔
دوسری جانب نو منتخب امریکی صدرٹرمپ کی نئی انتظامیہ میں شامل افراد کوجان سے مارنے کی دھمکیاں ملنے لگیں۔
امریکی میڈیا کے مطابق ٹرمپ کے پریس سیکریٹری کا کہنا ہے کہ نئی انتظامیہ میں شامل افراد کو بم حملوں اور قتل کی دھمکیاں دی گئی ہیں۔
موجودہ صورتحال کے تناظر میں وائٹ ہاؤس نے ٹرمپ انتظامیہ سے رابطہ کیا ہے اور صدر بائیڈن کی جانب سے دھمکیوں کی مذمت کی گئی ہے۔
ٹرمپ نے میکسیکو، کینیڈا اور چین کو نئے ٹیکسز کی دھمکی دے دی
ایف بی آئی کا اس حوالے سے کہنا ہے کہ دھمکیوں سے آگاہ ہیں، متعلقہ اداروں کے ساتھ ملکر تحقیقات کا آغاز کردیا ہے، بیان میں کہا گیا ہے کہ ہم تمام ممکنہ خطرات کو سنجیدگی سے لیتے ہیں۔
