آسٹریلیا کے سابق کرکٹر کیتھ اسٹیک پول 84 سال کی عمر میں فانی دنیا کو خیر باد کہہ گئے۔
آسٹریلیا کے دائیں ہاتھ کے اوپنر کیتھ اسٹیک پول نے 1966ء سے 1974ء کے دوران 43 ٹیسٹ میچز میں ملک کی نمائندگی کی جس میں انہوں نے 37.42 کی اوسط سے2807 رنز بنائے، جن میں اُنہوں نے 7سنچریاں بھی اسکور کی تھیں۔
میلبورن کرکٹ گراؤنڈ میں کیتھ اسٹیک نے 1971ء میں انگلینڈ کے خلاف کھیلے جانے والے تاریخ کے پہلے ون ڈے انٹرنیشنل میچ میں بھی حصہ لیا تھا۔
انہوں نے لیگ اسپن بولنگ کے ذریعے 3 کھلاڑیوں کو پویلین کی راہ دکھائی تھی۔ کرکٹ سے ریٹائرمنٹ لینے کے بعد اُنہوں نے ریڈیو اور ٹی وی کمنٹری بھی کی جسے بے حد پسند کیا گیا۔
واضح رہے کہ گزشتہ ماہ پاکستانی نژاد آسٹریلوی کرکٹر جنید ظفر خان بھی ایڈیلیڈ میں ایک میچ کے دوران انتہائی سخت گرمی کے دوران انتقال کر گئے تھے۔
آسٹریلوی میڈیا رپورٹس کے مطابق اولڈ کنکورڈیا کرکٹ کلب کے کھلاڑی جنید خان نے 40 اوورز کے لیے فیلڈنگ کی تھی اور تقریباً سات اوورز تک بیٹنگ کرتے رہے کہ وہ اچانک میدان میں گر گئے۔
یہ میچ سخت حالات میں کھیلا گیا،جس میں درجہ حرارت 41.7 ° C (107 ° F) تک پہنچ گیا۔
ایمرجنسی سروسز کو فوری طور پر بلایا گیا، اور پیرامیڈیکس نے گراؤنڈ میں سی پی آر کی کوشش کی لیکن ان کی بہترین کوششوں کے باوجود کھلاڑی جانبر نہ ہوسکے۔
پاکستان سپر لیگ کو ابھی مزید بہتر کرنا ہے، شعیب ملک
ان کے کلب نے ان کے انتقال پر گہرے دکھ کا اظہار کرتے ہوئے کہا کہ پیرامیڈکس نے اپنی پوری کوشش کی، لیکن بدقسمتی سے کرکٹر زندہ نہ بچ سکے، کھلاڑی اپنے ساتھی کرکٹر کی موت پر انتہائی غمزدہ ہیں۔
