The news is by your side.

Advertisement

پاک فوج میں نئی تاریخ رقم، ہندو افسر کیلاش کمار کی لیفٹیننٹ کرنل کے عہدے پر ترقی

راولپنڈی : کیلاش کمار پاک فوج میں لیفٹیننٹ کرنل کے عہدے پر ترقی پانے والے پہلے ہندو افسر بن گئے، ہندو برادری کے سرگرم کارکن کپل دیو نے کیلاش کمار ترقی کو خوش آئند قرار دیا۔

تفصیلات کے مطابق پاک فوج میں نئی تاریخ رقم ہوگئی ، پاک فوج کے شعبہ تعلقات عامہ آئی ایس پی آر کی جانب سے بیان میں کہا گیا ہے کہ ہندو افسر کیلاش کمار کو لیفٹیننٹ کرنل کے عہدے پر ترقی دے دی گئی۔

کیلاش کمار پاک فوج میں لیفٹیننٹ کرنل کے عہدے پر ترقی پانیوالے پہلے ہندو افسر ہیں۔

ہندو برادری کے سرگرم کارکن کپل دیو کی کیلاش کمار ترقی کو خوش آئند قرار دیتے ہوئے کیلاش کمار کو لیفٹیننٹ کرنل کےعہدے پر ترقی پر مبارکباد دی۔

Comments

یہ بھی پڑھیں